Kideak
Arantzazu Elordieta
Euskal Herriko Unibertsitatea
(UPV/EHU)
Ikertzaile nagusia
Hizkuntzalaritzako irakasle elkartua Euskal Herriko Unibertsitatean (UPV/EHU). Euskal Ikasketetan lizentziatua eta Hizkuntzalaritza orokorrean doktoratua Leidengo Unibertsitatetik, nire ikerketa-interes gehienak arlo hauen inguruan dabiltza: a) osagaien hurrenkera euskaraz; b) foku-egiturak euskaraz (haien isla sintaktikoa eta fonologikoa); c) foku-osagaietako desdoikuntza sintaktiko eta prosodikoak; d) euskarazko aditz finituen kokapena; eta e) euskarazko osagarriak. Egun, nire ikerlerro nagusiak azken hiru arloetan zentratzen dira; zehazki, V2 efektuak euskaraz, prosodia eta sintaxiaren arteko interrelazioak eta osagarrien azterketa.
Xabier Artiagoitia
Euskal Herriko Unibertsitatea (UPV/EHU)
Ikertzaile nagusia
Euskal hizkuntzalaritzako irakaslea naiz Euskal Herriko Unibertsitatean (Vitoria-Gasteizko Letren Fakultatea) eta ikerketa-proiektu honetako ikertzaile nagusietako bat, Arantzazu Elordietarekin batera. Bereziki interesatzen zait osagarrien morfosintaxia eta tasun-konposizioa, eta haien eta ezeztapenaren arteko elkarreragina. Garatzen ditudan beste ikerketa-arlo batzuk ergatibitatea, izen-sintagmaren egitura eta nominalizazioa, eta uztardura-teoria dira.
Bilbon bizi naiz emaztearekin eta gure bi seme-alabekin.
Proiektuko kidea
Irakaslea naiz Begoñako Andra Mari Irakasleen Unibertsitate Eskolako (BAM) psikopedagogia sailean. Xabier Artiagoitiaren zuzendaritzapean egin nuen doktore-tesia eta Artiagoitiarekin eta Elordietarekin aritua naiz lehenago ere. Ikerketa-arloan, euskarazko aditz-egiturak eta aditzaren osagarriak interesatzen zaizkit.
Ikerketatik aparte, nire interesa ditudan bi seme zoragarrietan zentratzen da.
_e.jpg)
Iñigo Arteatx
Begoñako Andra Mari Irakasleen Unibertsitate Eskola (BAM)
Ikertzailea
Doktoretza aurreko ikaslea naiz Euskal Herriko Unibertsitatean, eta Xabier Artiagoitia (UPV/EHU) eta Arantzazu Elordieta (UPV/EHU) ditut zuzendari. Nire ikerketa interesak euskara, sintaxi-teoria, morfologia eta hitz-hurrenkeraren ingurukoak dira, betiere hizkuntzen arteko ezberdintasunak eta datu historikoak aintzat harturik. Egun, euskarazko perpaus ezeztapenaren egitura sintaktikoa aztertzen dut.
Alazne Arriortua
Euskal Herriko Unibertsitatea
(UPV/EHU)
Ikertzailea
Euskara Hizkuntza eta Komunikazioa saileko irakaslea Euskal Herriko Unibertsitatean (UPV/EHU). 2020an tesia defendatu dut Xabier Artiagoitiaren (UPV/EHU) zuzendaritzapean. Nire interesguneak euskal hizkuntzan, mikrobariazioan, teoria sintaktikoan, partikula modaletan eta haien pragmatikan dautza. Egun, nire jarduna euskarazko partikula modalen sintaxian zentratzen da, hizkuntzen arteko datuak eta datu historikoak hartuta aintzat.
